उपभोक्ताहरुका लागि जानकारीमुलक  सामाग्रीहरु

• धारा जडान गर्न आवश्यक कागजातहरुः

  १. सम्बन्धित जग्गाधनिको नागरिकताको प्रतिलिपी – १ थान

  २. जग्गाधनी प्रमाण पुर्जाको फोटोकपी – १ थान

  ३. सम्पत्तिकर तिरेको रसिदको फोटोकपी – १ थान

  ४. नगरपालिका वडा कार्यालयको सिफारिस – १ थान

  ५. पासपोर्ट साइजको फोटो – १ थान

  ६. खानेपानी वडा संयोजकको सिफारिस – १ थान

  ७. नक्सा पासको प्रतिलिपी – १ थान

  ८. भुमिहिनको हकमा खानेपानी वडा संयोजक र नगरपालिका वडा कार्यालयबाट
  तिन पुस्ता खुल्नेगरी भुमिहिन भएको प्रमाण सिफारिस ।

• उपभोक्ताहरुलाई जानकारी

  उपभोक्तालाई जानकारी पानी लिकेज भई बारम्बार कर्मचारीले जानकारी गराउँदा पनि लिकेज मर्मत नगराएमा कर्मचारीद्वारा प्लग गरिनेछ र सो प्लग खोल्न रू. ५०० कार्यालयमा बुझाउन पर्नेछ । मिटर खोली चोरेमा प्रथम पटकको लागि रू. ३०००, दोस्रो पटकको लागि रू. ५०००/- तेस्रो पटकको लागि रू. ७०००/- सो भन्दा माथि रू. १०,०००/- लाग्नेछ र रिकनेक्सन चार्ज रू. १,०००/- प्राविधिक लगाई ब्रासलक गर्नुपर्ने भएमा थप रू. १,०००/- लाग्नेछ । मिटर अगाडी T बनाई पानी दुरूपयोग गरेमा प्रथम पटकको लागि रू. ५०००/- दोस्रो पटकको लागि रू. ७०००/- तेस्रो पटकको लागि रू. १०,०००/- तथा पानी दुरूपयोग गरेको आधारमा थप पानी महशुल लागाई रिकनेक्सन रू. १,०००/- लाग्ने छ । मिटर उल्टो बनाई वा कुनै किसिमको मिटर नचल्ने बनाएमा प्रथम पटक ३,०००/- दोस्रो पटक ६,०००।- तेस्रो पटक ९,०००। जरिवाना लगाई पानी दुरूपयोग बापतको थप रकम असुल गरी रिकनेक्सन चार्ज रू. १,०००/- लाग्नेछ । माथि उल्लेखित पानी दुरूपयोग सम्बन्धी दण्ड र जरिवाना गर्दा निजको घरमा प्रयोग गर्ने परिवार, पशुपालन, उद्योग व्यवसाय, फलफुल तथा तरकारी वाली आदिमा प्रयोग गरेको आधारमा गरिनेछ । निजि धारा जडान गर्न ईच्छुक उपभोक्ताले यस संस्थाले तोके बमोजिमको शुल्क तिरी धारा जडान गर्न सक्दछ । संस्थाद्वारा धारा जडान गर्नको लागि पानी मिटर १ थान उपलब्ध गराईनेछ । माथि उल्लेखित समान बाहेक धारा जडानको लागि प्रयोग हुने सामानहरूको सामान्य गुणस्तर निम्न अनुसार हुनु जरूरी छ । क) सेहल : आफूले जडान गर्ने पाईपको साईजसँग मिल्ने वासर सहितको पि.भि.सि. वा फलामे पाताको सेडल अनिवार्य रूपले लगाउनुपर्नेछ । ख) Gate Valve को साईज १/२को हुनु पर्नेछ र नेपालको NS वा ISI अनुरूप हुनु जरूरी छ । ग) अन्य आवश्यक सामानहरूको हकमा पनि NS वा ISI अनुरूप हुनु जरूरी छ । मिटर जडान गरिसकेपछिको हकमा जानीजानी वा नजानी आकस्मिक घटना जे सुकैले मिटर बिग्रेमा त्यसको जिम्मेवारी स्वमं उपभोक्ता हुनेछ । मिटर बिगार्ने सफल वा असफल प्रयास गरिएको प्रमाण संस्थाले फेला पारेमा संस्थाले तुरून्त धारा काट्ने छ र संस्थाको नियम बमोजिम लाग्ने दस्तुर उपभोक्ताबाट असुल उपर गरिनेछ । धारा जडान भईसके पश्चात पाईप तथा फिटिङ्गमा कुनै हानी नोक्सानी वा टुटफुट भएको देखिएमा सो को जिम्मेवारी स्वमं उपभोक्ता हुनेछ । धारा जडान गरिएको जग्गाको स्वामित्व परिवर्तन भए सो को सुचना उपभोक्ता स्वमंले तुरून्त संस्थामा जानकारी दिनु पर्नेछ । मिटरको सुरक्षाको लागि उपभोक्ताले अनिवार्य रूपमा चेम्बर बनाउनु पर्नेछ । र उक्त चेम्बर ढक्कन बनाई छोप्नुपर्नेछ । धारा जडान गर्दा आयोजनाको विवरण पाईप लाईनदेखि धारा राख्ने ठाउँसम्मको जि.आई. पाइप खरिद आवश्यक गुणस्तरको सामान खरिद तथा माटो खन्ने पुर्ने सम्पूर्ण कार्य उपभोक्ता स्यमंले गर्नु पर्नेछ । धारा जडान गर्ने क्रममा पिच खन्नु परेमा ईट्टा वा ढुङ्गा बिछ्याएको बाटो खन्नु परेमा लाग्ने सम्पूर्ण खर्च डिपोजिट खन्ने खर्च तथा बनाईदिने खर्च सबै उपभोक्ता स्यमंले नै ब्यहोर्न पर्नेछ । धारा जडान गर्न लाग्ने प्लम्बिङ्गचार्ज बापत आयोजनाको वितरण पाईप देखि पानी मिटर राख्ने स्थान सम्म संस्थाले ब्यहोर्नेछ । पानी मिटर जडान गर्ने हकमा मिटर रिडरले कुनै पनि समयमा सजिलै हेर्न सकिने स्थानमा राख्नु पर्नेछ । होल परिवर्तन गर्न पाईने छैन । मिटर ठाउँसारी गर्दा कार्यालयमा नियमानुसार रकम बुझाउनु पर्नेछ ।